SVBujji Thalli – బుజ్జి తల్లి
Song: Bujji Thalli – బుజ్జి తల్లి
Lyrics: Shree Mani
Singer: Javed Ali
Music : Devi Sri Prasad
Movie Name : Thandel
గాలిలో ఊగిసలాడే దీపం లా
ఊగిసలాడే నీ ఊసందక నా ప్రాణం
నల్లని మబ్బును చుట్టిన చంద్రుడిలా
చీకటి కమ్మెను నీ కబురందక నా లోకం
సుడిగాలిలో పడి పడి లేచే పడవల్లే తడబడుతున్న
నీ కోసం వేచుందే నా ప్రాణం
ఓ బుజ్జి తల్లి నా కోసం ఓ మాటైన మాటాడే
నా బుజ్జి తల్లి….
నీరులేని చేపల్లే తార లేని నింగల్లె
జీవమేది నాలోన నువ్వు మాటలాడందే
మళ్ళి యాలకొస్తానే కాళ్ళ ఏళ్ళ పడతానే
లెంపలేసుకుంటానే ఇంక నిన్ను యిడిపోనే
ఉప్పు నీటి ముప్పుని కూడా గొప్పగా దాటే గట్టోడ్నే
నీ కంటి నీటికి మాత్రం కొట్టుకుపోతానే
నీ కోసం వేచుందే నా ప్రాణం
ఓ బుజ్జి తల్లి నా కోసం ఓ మాటైనా మాటాడే
నా బుజ్జితల్లి…
ఇన్ని నాళ్ళ మన దూరం తియ్యనైన ఓ విరహం
చేదు లాగ మారిందే అంది రాక నీ గానం
దేన్ని కానుకియ్యాలే ఎంత బుజ్జగించాలే
బెట్టు నువ్వు దించేలా లంచమేంటి కావాలే
గాలి వాన జాడే లేదా రవ్వంతైనా నా చుట్టూ
అయినా మునిగిపోతున్నానే దారే చూపెట్టూ
నీ కోసం వేచుందే నా ప్రాణం
ఓ బుజ్జి తల్లి నా కోసం ఓ మాటైనా మాటాడే
నా బుజ్జితల్లి…
Click for More
